Уҡырға ла, ял итергә лә ваҡыт таба студент

Билдәле булыуынса, сессиянан сессияға тиклем студент күңелле йәшәй. Ниһайәт, буласаҡ программистар, иҡтисадсылар, табиптар һәм башҡалар өсөн ауыр осор булған имтихандар мәле артта алды һәм кинәнеп ял итеү өсөн форсат тыуҙы. Йәштәрҙең ялын тағы ла ҡыҙыҡлыраҡ, файҙалыраҡ уҙғарыу өсөн ауыл мәҙәниәт йорто, моделле китапхана һәм үҫмерҙәр-йәштәр клубы хеҙмәткәрҙәре Йомағужа күп функциялы клубында студенттар көнөнә арнап, “Уҡы, студент, ял ит!” тип аталған мәҙәни сара ойошторҙо.