+12 °С
Ямғыр
Бөтә яңылыҡтар
МӘҘӘНИӘТ
22 Ғинуар 2018, 17:25
«Ҡалдырма, әсәй!» китабы авторы Айгиз Баймөхәмәтов ҡарауһыҙ балалар хаҡында яңы әҫәр яҙған
Етемдәр тураһында «Ҡалдырма, әсәй!» китабы авторы Айгиз Баймөхәмәтов яңы әҫәр яҙған.
ӨФӨ, 2018 йыл, 22 ғинуар. /«Башинформ» мәғлүмәт агентлығы, Ләйлә Аралбаева/.
Етемдәр тураһында «Ҡалдырма, әсәй!» китабы авторы Айгиз Баймөхәмәтов яңы әҫәр яҙған. Ул «Урам балалары» тип атала һәм ҡарауһыҙ ҡалған үҫмерҙәр тормошо хаҡында бәйән итә.
«Был әҫәремде 2013-2017 йылдарҙа яҙҙым. Урам балаларының тормошон ентекле өйрәндем. Балалар йортонда йәшәгәндә, үҫмерҙәр йыш ҡаса торғайны, кире ҡайтҡас, үҙҙәренең подвалда нисек көн күреүен һөйләй ине. Уҙған быуаттың 90-сы йылдарында СССР тарҡалғандан һуң улар күбәйҙе, яйлап был мәсьәләне хәл итеүгә өлгәшеү, яҡшы, әлбиттә, — тип һөйләне «Башинформ» агентлығына автор. — Шуныһы ғәжәп: башҡорт әҙәбиәтендә ошо темаға арналған бер генә әҫәр ҙә юҡ. Мин тағы ла бер тапҡыр ғаиләлә тәрбиәләнеү кеше өсөн ни тиклем мөһим икәнлеген һыҙыҡ өҫтөнә алғым килә. Яңы китабым республикала иғлан ителгән Ғаилә йылына бағышланған».
Айгиз Баймөхәмәтовтың «Ҡалдырма, әсәй!» автобиографик повесы — иң күп данала баҫылған заманса башҡорт китабы. Байтаҡ телдәргә тәржемәләнгән. М. Ғафури исемендәге Башҡорт академия драма театрында һәм Х.Намсараев исемендәге Бүрәт драма театрында ошо повесть буйынса спектаклдәр сәхнәләштерелә. 2015 йылда автор Башҡортостандың Ш. Бабич исемендәге дәүләт йәштәр премияһына лайыҡ булды. Йәш авторҙың икенсе китабы «Әкиәтһеҙ бала саҡ» тип атала.
Читайте нас:
© 2015-2024 Башҡортостан Республикаһы Күгәрсен районы "Мораҙым" ижтимағи-сәйәси гәзитенең рәсми сайты. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы.
Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығында теркәлде. 2015 йылдың 12 авгусында бирелгән ПИ ТУ 02-01395-се һанлы теркәү тураһындағы таныҡлыҡ. Директор (баш мөхәррир) Ладыженко А.Ғ., "Мораҙым" гәзите мөхәррире вазифаһын башҡарыусы Р.И.Исҡужина.
Илгә - именлек, йортоңа - ҡот!
Телефон
8 (34789) 2-19-24
Электрон почта
Адресы
Республика Башкортостан, Кугарчинский район, с.Мраково, ул.Ленина, 49
Реклама хеҙмәте
8 (34789) 2-11-85; Электронная почта: [email protected]
Хеҙмәттәшлек
8 (34789) 2-11-85; Электронная почта: [email protected]
Кадрҙар бүлеге
8 (34789) 2-11-77