Ә Өфөнөң йәш йондоҙҙары – сәхнәлә йә аҡҡоштарҙай йөҙгән, йә дәртле баҫып үксәләренән ут сығарған бейеүсе студенттар, “Кис ултырып ҡыҙҙар сигеү сигә” йырын башҡарып көр тауышы менән күңелдәрҙе арбаусы Роберт Исламов ысынлап та йөрәктәргә йылы наҙ, йәшәү дәртен бүләк итте. Үҙенсәлекле концерт номерҙары ҙур экранда күрһәтелгән данлыҡлы шәхесебеҙҙең портреттары, ялҡынлы сығыштары (бейеүҙәре) менән аралаштырылып, Тамара Шәһит ҡыҙының нәзәкәтле буй-һынын, яҡты булмышын йәнләндерҙе.