Тамара Шәһит ҡыҙының яҡты иҫтәлегенә

 Заһир Исмәғилов исемендәге Өфө дәүләт сәнғәт институтының театраль факультеты студенттары һәм преподавателдәре район халҡына, уҡыусыларға йөкмәткеле тамаша бүләк итте. Матур кисә хөрмәтле яҡташыбыҙ, РСФСР – ҙың һәм БАССР – ҙың атҡаҙанған артисы Тамара Шәһит ҡыҙы Хоҙайбирҙинаның (1923-1998) тыуыуына 100 йыл тулыуға арналды.  Эйе, Тамара Шәһит ҡыҙының исеме башҡорт балетына нигеҙ һалыусыларҙың, башҡорт халыҡ бейеүҙәрен иң оҫта башҡарыусыларҙың береһе булып сәнғәт тарихына мәңгелеккә уйылған.  Сараның хөрмәтле ҡунаҡтары ла - күренекле яҡташыбыҙ, балалар драматургы, РФ һәм БР яҙыусылар һәм журналистар ағзаһы, БР – ҙың атҡаҙанған мәҙәниәт хеҙмәткәре Сәрүәр Сурина, Тамара Хоҙайбирҙинаның уҡыусыһы Гөлнара Вәлитова прима-балеринаның, сағыу йондоҙ һәм оҫта педагогтың исемен тәрән ихтирам менән телгә алды, уның менән бәйле йылы хәтирәләре менән бүлеште.

Тамара Шәһит ҡыҙының яҡты иҫтәлегенә