Оло йөрәкле, яҡты йөҙлө тәрбиәсе

Тамырҙары менән ул йәмле Бикбулат ауылынан. Мөләйем заттың булмышына үҙе ҡойоноп үҫкән наҙлы Эйегенең ҡөҙрәте лә, Кинйәбаевтар нәҫеленә һалынған таһыллыҡ та һалынған.

 Әминә Һаҙый ҡыҙы 2013 йылдан башлап тәрбиәсе булып эшләй. Быйыл “Йыл тәрбиәсеһе – 2023” республика бәйгеһенең муниципаль этабында еңеүсе исеменә ирешеүе - намыҫлы эшсәндең егәрлелеге һәм Фаягөл Зәки ҡыҙы етәкселегендәге “Уралҡай” балалар баҡсаһы коллективының берҙәмлеге һөҙөмтәһе.

 Дүрт баланың изгелекле әсәһе лә, тормош юлдашы – Юлай Яхъя улы өсөн хәстәрлекле һәм һөймәлекле ҡатын да ул.

 Оло йөрәкле, мөләйем йөҙлө Әминә Айытҡолова кеүек педагогтарҙың ҡул аҫтында күңел сафлығына, изгелеккә ынтылышлы булып тәрбиәләнеүсе кескәйҙәрҙән киләсәктә илебеҙҙең лайыҡлы ул-ҡыҙҙары сығыр тип ышанғы килә.

 Тулыраҡ яҙмабыҙ баҫманың 38-се һанында.