"Алда әле заман имтиханы, күп һынауҙар әле үтәһе..."

Ошо фәндәр буйынса уҙған район, республика олимпиадаларында әүҙем ҡатнаша. Һуңғы ике йылда информатика буйынса Бөтә Рәсәй олимпиадаһының район этабында еңеүселәр исемлегенә ингән, 2021 йылда “Физика буйынса Башҡортостан кубогы” республика турнирында V  урын алған.  Илдус ҡатнашҡан команда Волга буйы федераль округы уҡыусылары араһында уҙғарылған интеллектуаль олимпиаданың муниципаль этабында “Уйлап табыусы мәсьәләләрҙе хәл итеү” йүнәлеше буйынса еңеү яулаған.  

Спорт туризмы буйынса III разрядҡа эйә булған егет район һәм республика кимәлендә үткән туристик ярыштарҙан да ситтә ҡалмай. Уҙған йыл ул район командаһы менән бергә республика туристары фестивалендә өсөнсө урынға лайыҡ булған.

 Сәйәхәт итергә ярата.

 Класс етәксеһе Альбина Хәмзә ҡыҙы Арыҫланбаева әйтеүенсә, егет талапсан, һәр эшкә яуаплы ҡарай, дуҫтары күп. Киләсәктә иһә программист булырға хыяллана.