Кеше эше менән матур

Замандаш  Бәрәкәтле Күгәрсен ере арҙаҡлы шәхестәргә лә, алдынғы ҡарашлы уҙамандарға ла, һәр яҡлап тырыш, уңған ул һәм ҡыҙҙарға ла бай төбәк. Вәсилә Яппарова -Санъяп ҡыҙы, дүрт балалы Дәүләтҡоловтарҙың  ябай ғына ғаиләһендә өсөнсө бала булып донъяға килә. Ата-әсәһе Клара Гәрәй ҡыҙы менән Рәшит Ямалетдин улы ябай эшсе һөнәр эйәләре булып, тыуған ерендә, торған ерендә лайыҡлы хеҙмәт юлы үтәләр. Ҡыҙғанысҡа ҡаршы, Рәшит ағай 2018 йылда вафат була. Бөгөнгө көндә Клара апай хаҡлы ялда, уландары менән ҡыҙҙарының матур тормош ҡороп, милләтебеҙгә кәрәкле һөнәр эйәләре булыуҙарына ғорурланып, 8 ейән-ейәнсәрен, 1 бүләсәһен тәрбиәләшеп, бәхетле ҡартлыҡ көндәрен кисерә. 93 йәшлек әсәһе –  тыл ветераны Ғәтиә Вәлиәхмәт ҡыҙы Ҡунаҡҡужина ла Клара апайҙар менән бергә тора. Һуғыш михнәттәрен күргән көслө рухлы инәй һәр яңы көндә балаларына именлек-һаулыҡ теләй. Тулы мәҡәләне район гәзитенең киләһе һанында уҡырһығыҙ.