Егетмен тигән егет кеше техникаға бер ҡасан да битараф ҡалмай инде. Трактор дәресе, юл ҡағиҙәләрен өйрәнеү кабинеттарында егеттәр оҙаҡҡа тотҡарланды. Иретеп йәбештереү, ҡортсолоҡ менән ҡыҙыҡһыныусылар ҙа байтаҡ булды.
Тантаналы өлөштә “Иртөбәк” йәмғиәте директоры Олег Николаевтың, колледждың Мораҡтағы филиалын етәкләүсе Илшат Тоҡомбәтовтың ихлас сығыштары ла, бында уҡыусы студенттарҙың дәртле йырҙары, Ленар Сәйфетдиновтың ҡурайҙа өҙҙөрөүе һәм Руслан Абдуллиндың моңло йыры уҡыусылар күңеленә бик хуш килде.
Уҡыусылар араһында киләсәктә белемен тап ошонда дауам иттереп, ауыл хужалығы сәнәғәте мастеры, электрик, механизатор, ҡортсо һәм башҡа ҡыҙыҡлы, кәрәкле һөнәргә эйә булыусыларҙың һаны артыуына ышанғы килә.