Маҡсаты изге Гөлназдың

 Һөнәр һайлау тураһында һүҙ сыҡҡанда уҡыуға әүәҫ, тырыш ҡыҙ һәр саҡ: “Үҫкәс мин табип булам!” – ти. Һүрәт төшөргәндә лә үҙенә аҡ халат “кейҙерә”.  Уның белемгә ынтылышлы булып үҫеүенә, медицина юлын һайлауына шул мәктәптә намыҫлы хеҙмәт иткән әсәһе – Гөлсәсәк Тәлғәт ҡыҙының да, төплө белем биргән химия һәм биология фәндәре уҡытыусыларының да, оҙаҡ йылдар бында биология уҡытып хаҡлы ялға киткән өләсәһе – Әлфинур Шәфәғәтованың ейәнсәре менән биологиянан даими шөғөлләнеүе лә ҙур йоғонто яһай. Һәр яҡлап әүҙем уҡыусы булараҡ, Гөлназ башҡорт теленән республика кимәлендә үткән олимпиада, бәйгеләрҙә еңеү яулап та район данын ҡыйыу яҡлай. 9-сы класта уҡыған мәлендә уға район хакимиәт башлығы стипендиаты булыу бәхете тейә.

 Әлегә студент тормошоноң башы ғына. Гөлназдың алдында башланмаған биш йыл, биш курс... Күпме имтихандар тапшыраһы, һынауҙар әле үтәһе! Ныҡышмал, зирәк, белемле ҡыҙҙың артабан да юлдары уң булһын!