Изге һөнәр эйәләре тәбрикләнде

Балаларға белем һәм тәрбиә биреүселәргә үҙенең иң изге теләктәрен юллаған район хакимиәте башлығы вазифаһын башҡарыусы Ғайса Янбаев уҡытыусыларҙың ил, республика, район үҫешендә тотҡан урынын юғары баһалап, бер төркөм педагогтарға – балалар-үҫмерҙәр спорт мәктәбе тренеры Хәмит Сәлтәшевҡа, Башҡорт гимназияһының рус теле һәм әҙәбиәте уҡытыусыһы Рәсимә Хәлитоваға, район мәғариф бүлеге начальнигы Рәсүл Әхмәтйәновҡа “Рәсәй Федерацияһының маҡтаулы мәғариф хеҙмәткәре”, Күгәрсен мәктәбе директоры Эльвира Абдуллинаға, Башҡорт гимназияһының география уҡытыусыһы Әлиә Ғәббәсоваға, Йомағужа 1-се урта мәктәбенең тарих һәм йәмғиәтте өйрәнеү уҡытыусыһы Рита Ғайсинаға, Тәүәкән урта мәктәбенең башҡорт теле һәм әҙәбиәте уҡытыусыһы Гөлназ Сәлиховаға РФ Мәғариф министрлығының Маҡтау грамотаһын тапшырҙы.