Бөгөн Исем ауылы уҡыусылары, уҡытыусылары, ата-әсәләре өсөн ҡыуанысы ваҡиға булды. Унда "Үҫеш нөктәһе" мәғариф үҙәге асылды. Быйылғы уҡыу йылында булдырылған "Үҫеш нөктә"ләре физика, химия, биология кеүек тәбиғи фәндәрҙе ныҡлап өйрәнеүгә йүнәлтелгән. Уҡыу бүлмәләре заманса ҡорамалдар менән йыһазландырылған. Уҡыусылар дәрестә, дәрестән тыш та фәндәрҙе уҡып ҡына түгел, ә практикала төрлө тәжрибәләр эшләп, ентекле өйрәнә ала, робот техникаһы буйынса шөғөлләнергә лә була.