Бәләкәстәр шашка уйнай

13 февралдә “Уралҡай” балар баҡсаһында тәрбиәләнеүселәр һәм уларҙың ата-әсәләре араһында шахмат-шашка турниры үтте, ул Бөйөк Еңеүҙең 75 йыллығына арналды. Был юлы ла балалар араһындағы ярыштар бик ҡыҙыу барҙы. Тик шулай ҙа иң отҡорҙар һәм зирәктәр генә еңеүсе исемен яулай алды. Сәмле барған ярышта Айтуған Ибраһимов менән Арина Попова 1-се урынды яуланы, Илдан Кинйәбулатов менән Элина Ҡотлоғужина 2-се урынға сыҡты, 3-сө урында – Оскар Рауилов менән Руфина Абсалиҡова. Балалар шашка уйнаған арала ата-әсәйҙәр араһында ла ҡыҙыу ярыштар барҙы, улар шулай уҡ кешенең интеллектуаль һәләтен үҫтергән боронғо спорт төрө – шахмат уйынында көс һынашты. Шахмат ярышында Ғайса Әбдрәхимов еңеүсе булды, икенсе урынды Айрат Болғаиров менән Артур Әбдрәхимов бүлештә, өсөнсө баҫҡыста – Руслан Ҡотлогилдин.