-25 °С
Болотло
Бөтә яңылыҡтар
МӘҒАРИФ
25 Октябрь 2019, 12:21
Телһөйәрҙәр тәрбиәләй
Физәлиә Кинйәғәли ҡыҙы Нурмөхәмәтованың хеҙмәт кенәгәһендә бер генә яҙыу: Мораҡ башҡорт гимназияһының башҡорт теле һәм әҙәбиәте уҡытыусыһы. Бына инде өс тиҫтә йылға яҡын ул балаларға туған телдән белем бирә, уларға осор ҡанаттар ҡуя, аҡбур менән аҡ юлдар һыҙа.
Физәлиә Кинйәғәли ҡыҙы Нурмөхәмәтованың хеҙмәт кенәгәһендә бер генә яҙыу: Мораҡ башҡорт гимназияһының башҡорт теле һәм әҙәбиәте уҡытыусыһы. Бына инде өс тиҫтә йылға яҡын ул балаларға туған телдән белем бирә, уларға осор ҡанаттар ҡуя, аҡбур менән аҡ юлдар һыҙа.
1969 йылдың октябрь айында Ибраһим ауылында донъяға килә ул. Атаһы, Бөйөк Ватан һуғышы ветераны Кинйәғәли ағайҙың кинйә ҡыҙына бағлаған ҙур өмөттәре тормошҡа аша: тырыш ҡыҙ “5” билдәләренә генә өлгәшә. Ғаилә район үҙәгенә күсеп килгәс, Физәлиә уҡыуын 2-се башҡорт мәктәбендә дауам итә. Әкиәттәр тыңларға, китап уҡырға яратҡан ҡыҙҙың туған телгә, әҙәбиәткә һәләте тиҙ асыла: ижади бәйгеләрҙә еңеүҙәр яулай башлай. Атаһы гәзит- журналдарҙы күп алдыра, ҡыҙында ла матбуғатҡа ғүмерлек һөйөү тәрбиәләй ул. Әҙәбиәт донъяһында үҫкән ҡыҙ киләсәк һөнәрен оҙаҡ һайламай, ул күптән уҡытыусы булырға ҡарар иткән!
Стәрлетамаҡ педагогия институтының филология факультетында уҡып, диплом алған йәш белгес 1992 йылда туған мәктәбенә эшкә ҡайта. Ошо йылдар эсендә уның ҡулынан күпме бала үтте икән? Ул берҙәй яратып башланғыс кластарҙы ла уҡыта, юғары класс уҡыусыларына ла белем бирә, берҙәм дәүләт имтихандарына әҙерләй. Башҡорт кластарын бер төрлө программа менән уҡытһа, рус балаларына бөтөнләй икенсе дәреслектәр, талаптар һәм методик алымдар кәрәк. Бөгөнгөләй иҫендә: башҡорт теле дәүләт теле булараҡ уҡытыла башлағанда махсус программалар ҙа, китаптар ҙа юҡ ине. Һөнәрен һәм балаларҙы ихлас яратҡан уҡытыусы юғалып ҡалмай, календарь-тематик планды үҙе төҙөй, дәрескә материалды гәзит-журналдарҙан ала, халыҡ ижадын оҫта файҙалана. Балалар ҙа талапсан уҡытыусыны ярата,уға тартыла. Һөҙөмтә оҙаҡ көттөрмәй, уҡыусылар район һәм республика кимәлендәге бәйгеләрҙә призлы урындар яулай башлай. Балалар матбуғатына яҙылырға һәм яҙышып торорға ла өйрәтә уларҙы Физәлиә апайҙары.
БР Мәғариф министрлығының, район хакимиәтенең, мәғариф бүлегенең маҡтау ҡағыҙҙары уҡытыусының күп йыллыҡ тырыш хеҙмәтенең һөҙөмтәһе ул. Шулай ҙа һуңғы йылдарҙағы иң ҙур уңышы— “Башҡорт теле һәм әҙәбиәте йыл уҡытыусыһы - 2016” район бәйгеһендә еңеү булғандыр. Талантлы уҡытыусының фиҙаҡәр хеҙмәтенә иң оло баһа булды ул.
Класс етәксеһе булараҡ уҡыусыларына икенсе әсәй урынына тиһәк, бер ҙә арттырыу булмаҫ. 5-се класҡа килгән бәләкәс кенә балаларҙы эйәртеп, йә музейға, йә тимурсылар эшенә, йә экскурсияға алып китә, йә өмәгә, йәрминкәгә алып сыға. Уның сығарылыш уҡыусылары класс етәкселәрен онотмай, ҡайҙа эшләһәләр ҙә, ҡайҙа ғына йәшәһәләр ҙә шылтыратып торалар, байрамдар менән ҡотлайҙар, килеп хәл белеп китәләр. Барыһы ла тормошта үҙ юлын, үҙ урынын тапҡан. Ошо инде уҡытыусы өсөн бәхет: сәскән орлоҡтар матур шытым биргән.
Физәлиә Кинйәғәли ҡыҙы төп һөнәренән башҡа йәмәғәт эштәрендә лә әүҙем ҡатнаша.
Бына бер нисә йыл инде гимназияның башҡорт теле уҡытыусыларының методик берекмәһе етәксеһе лә ул, ә ғаиләһендә - яратҡан ҡатын, һөйөклө әсәй,уңған килен һәм егәрле хужабикә. Тормош иптәше Хөсәйен менән Нурзилә исемле ҡыҙ үҫтерәләр.
Яҡшы уҡытыусы уҡытып, өйрәтеп, ҡабатлатып ҡына ҡалмай, ә уҡыусыға үҙенә уҡырға, туҡтамай белем алырға, эҙләнергә теләк уята, бала күңелендә осҡондар ҡабыҙа, бөтмәҫ-төкәнмәҫ белем донъяһына ишек аса. Физәлиә Кинйәғәли ҡыҙы – тап шундай ысын Уҡытыусы.
Коллегабыҙҙы матур ғүмер байрамы менән ихлас ҡотлайбыҙ, уға ныҡлы һаулыҡ, ғаилә бәхете, еңел булмаған эшендә уңыштар теләйбеҙ!
Мораҡ башҡорт гимназияһы коллективы.
Читайте нас:
© 2015-2025 Башҡортостан Республикаһы Күгәрсен районы "Мораҙым" ижтимағи-сәйәси гәзитенең рәсми сайты. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы.
Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығында теркәлде. 2015 йылдың 12 авгусында бирелгән ПИ ТУ 02-01395-се һанлы теркәү тураһындағы таныҡлыҡ. Директор (баш мөхәррир) Ладыженко А.Ғ., "Мораҙым" гәзите мөхәррире вазифаһын башҡарыусы Р.И.Исҡужина.
Илгә - именлек, йортоңа - ҡот!
Телефон
8 (34789) 2-19-24
Электрон почта
Адресы
Республика Башкортостан, Кугарчинский район, с.Мраково, ул.Ленина, 49
Реклама хеҙмәте
8 (34789) 2-11-85; Электронная почта: [email protected]
Хеҙмәттәшлек
8 (34789) 2-11-85; Электронная почта: [email protected]
Кадрҙар бүлеге
8 (34789) 2-11-77