-4 °С
Болотло
Бөтә яңылыҡтар
МӘҒАРИФ
17 Сентябрь 2019, 21:44
Башҡортостанда «Министр менән асыҡ дәрестәр» проекты башланды
Башҡортостанда «Министр менән асыҡ дәрестәр» проекты башланды Өфөлә өлкән класс уҡыусылары өсөн «Министр менән асыҡ дәрестәр» проекты башланды. Ойоштороусыһы — Башҡортостан Республикаһының Эшҡыуарлыҡ һәм туризм буйынса дәүләт комитеты.
Өфөлә өлкән класс уҡыусылары өсөн «Министр менән асыҡ дәрестәр» проекты башланды. Ойоштороусыһы — Башҡортостан Республикаһының Эшҡыуарлыҡ һәм туризм буйынса дәүләт комитеты.
Уҡыусыларҙың министрлыҡ һәм ведомство етәкселәре, бизнес-берләшмә вәкилдәре менән осрашыуҙарын йыл дауамында аҙна һайын уҙғарыу күҙаллана.
«Университет ҡайнау нөктәһе» Тыныслыҡ урамындағы 14-се бинала, «Киләсәк фабрикаһы» коворкинг үҙәгендә урынлашҡан. Өлкән класс уҡыусыларының аҙна һайын министрҙар, эшҡыуарҙар менән осрашып, үҙҙәрен ҡыҙыҡһындырған һорауҙарын биреү мөмкинлеге бар.
«Программа 9-11 класс уҡыусылары өсөн иҫәпләнгән. Уның төп маҡсаты — уҡыусыларҙа эшҡыуарлыҡ эшмәкәрлегенә ҡыҙыҡһыныу тыуҙырыу. Бурысы — донъяға һәм уның мөмкинлектәренә ҡарашты үҙгәртеү, — тип билдәләне Башҡортостан Республикаһы Эшҡыуарлыҡ һәм туризм буйынса дәүләт комитетының матбуғат секретары Анастасия Сарбашева. — Башланғыс иҡтисади белемгә эйә булған үҫмерҙәр ғаилә, мәктәп, республика алдында торған проблемаларҙы ҡулланыусы күҙлегенән генә түгел, ә новатор күҙлеген дә күреп баһалай, үҙҙәренең хәл итеү юлын тәҡдим итә ала».
Бер «Министр менән асыҡ дәрес» программаһы ике академик сәғәткә иҫәпләнгән. «Университет ҡайнау нөктәһе»ндә өлкән класс уҡыусылары өсөн ошондай тәүге дәрес 14 сентябрҙә уҙҙы.
Өфө мәктәптәренең һәм Ҡырмыҫҡалы районының 9-11 класс уҡыусыларының һорауҙарына Башҡортостан Республикаһының Эшҡыуарлыҡ һәм туризм буйынса дүәләт комитеты башлығы Римма Бойцова, Өфө дәүләт нефть техник университетының уҡыу-методика эше буйынса проректоры Олег Баулин һәм «Киләсәк фабрикаһы» коворкинг үҙәге етәксеһе Александр Черников яуап бирҙе. Өлкән класс уҡыусылары өсөн беренсе дәрес программаһында шулай уҡ оҫталыҡ дәресе һәм коворкинг үҙәк буйлап экскурсия бар ине.
Башҡортостан райондарынан саҡырылған 10-11 класс уҡыусылары өсөн икенсе «Министр менән асыҡ дәрес» 21 сентябрҙә була.
Читайте нас:
© 2015-2024 Башҡортостан Республикаһы Күгәрсен районы "Мораҙым" ижтимағи-сәйәси гәзитенең рәсми сайты. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы.
Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығында теркәлде. 2015 йылдың 12 авгусында бирелгән ПИ ТУ 02-01395-се һанлы теркәү тураһындағы таныҡлыҡ. Директор (баш мөхәррир) Ладыженко А.Ғ., "Мораҙым" гәзите мөхәррире вазифаһын башҡарыусы Р.И.Исҡужина.
Илгә - именлек, йортоңа - ҡот!
Телефон
8 (34789) 2-19-24
Электрон почта
Адресы
Республика Башкортостан, Кугарчинский район, с.Мраково, ул.Ленина, 49
Реклама хеҙмәте
8 (34789) 2-11-85; Электронная почта: [email protected]
Хеҙмәттәшлек
8 (34789) 2-11-85; Электронная почта: [email protected]
Кадрҙар бүлеге
8 (34789) 2-11-77