Профилле сменала көс-белем тупланды

Көҙ мәле йәйге эштәргә байҡау яһап, уңыштарҙы барлар осор. Был тәңгәлдә беҙҙең үҙәктең эштәре күҙгә күренерлек, йәйҙәрҙән тик йылы хәтирәләр ҡалды. 15-21 августа “Мораҙым” балалар һауыҡтырыу үҙәгендә балалар һәм үҫмерҙәр спорт мәктәбе, Балалар ижады һәм туризм үҙәктәре тәрбиәләнеүселәре өсөн профилле смена ойошторолдо. Беҙҙең туризм һәм крайҙы өйрәнеү үҙәгенән 15 уҡыусы ҡатнашты.

Көҙ мәле йәйге эштәргә байҡау яһап, уңыштарҙы барлар осор. Был тәңгәлдә беҙҙең үҙәктең эштәре күҙгә күренерлек, йәйҙәрҙән тик йылы хәтирәләр ҡалды. 15-21 августа “Мораҙым” балалар һауыҡтырыу үҙәгендә балалар һәм үҫмерҙәр спорт мәктәбе, Балалар ижады һәм туризм үҙәктәре тәрбиәләнеүселәре өсөн профилле смена ойошторолдо. Беҙҙең туризм һәм крайҙы өйрәнеү үҙәгенән 15 уҡыусы ҡатнашты.

Көн һайын һәр отряд үҙҙәренең йүнәлештәре буйынса дәрестәр һәм күнекмәләр үткәрҙе. Беҙ иһә хәүефһеҙлек техникаһы, янғын хәүефһеҙлеге, санитария һәм гигиена буйынса белемдәрҙе камиллаштырҙыҡ. Топографик карталарҙың шартлы билдәләрен өйрәндек. Компас, GPS навигатор һәм смартфондар, топографик карталар ҡулланып урынды билдәләү буйынса дәрестәр үткәрҙек. Төйөндәрҙе өйрәнеп, уларҙы туризмда ҡулланыу һәләтен камиллаштырҙыҡ. Уның буйынса ярышта 2-се урын алдыҡ. Шулай уҡ аҫылмалы “күпер”ҙән һыу кисеү, ҡаялы участкала текә ерҙән аҫҡа төшөү, өҫкә үрмәләү кеүек ҡаршылыҡтарҙы еңеү буйынса оҫталыҡтарҙы практикала нығыттыҡ. Отрядтар араһында “Ҡалала ориентирлашыу” буйынса үткәрелгән бәйгелә беренселек яуланыҡ. “Мораҙым уяҙы” тәбиғәт паркы ойошторған “Йәш рейнджер” экологик сараһындаа чемпион булдыҡ.

Ҡыҫҡаһы, спорт мәктәбе һәм Балалар ижады үҙәге ойошторған бөтә бәйгеләрҙә әүҙем ҡатнашып, уңыштарға өлгәштек. Көн һайын кистәрен дискотека үткәрелде, ә аҙаҡҡы кистә үҫмерҙәр хушлашыу усағына йыйылды. Беҙҙең бәхеткә һауа торошо ла ыңғай торҙо – кинәнеп һыу инергә, Ташуй ҡаяһына, мәмерйәләргә сәйәхәт ҡылырға һәм разрядҡа нормативтарҙы үтергә мөмкинлек булды. Файҙалы ял итеп, дуҫтары менән икенсе йылға ла бында күрешергә һүҙ ҡуйышып, бөтәһе лә яҡшы кәйефтә таралышты.

“Мораҙым” өҫтәмә белем биреү үҙәгенә профилле сменаны тейешле кимәлдә ойошторғандары һәм яҡшы туҡланыуҙы тәьмин иткәндәре өсөн бик рәхмәтле ҡалдыҡ. Спорт мәктәбе һәм Балалар ижады үҙәге педагогтары ла һөҙөмтәле эш башҡарҙы, балаларҙы һәр яҡлап үҫтереүгә, уларҙы спортҡа һәм туризмға ылыҡтырыуға тос өлөш индерҙе.

Закир ЙӘРМӨХӘМӘТОВ,

туризм үҙәгенең өҫтәмә белем биреү педагогы.

Читайте нас:

© 2015-2024 Башҡортостан Республикаһы Күгәрсен районы "Мораҙым" ижтимағи-сәйәси гәзитенең рәсми сайты. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы.

Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығында теркәлде. 2015 йылдың 12 авгусында бирелгән ПИ ТУ 02-01395-се һанлы теркәү тураһындағы таныҡлыҡ. Директор (баш мөхәррир) Ладыженко А.Ғ., "Мораҙым" гәзите мөхәррире вазифаһын башҡарыусы Р.И.Исҡужина.

Илгә - именлек, йортоңа - ҡот!

Телефон

8 (34789) 2-19-24

Электрон почта

[email protected]

Адресы

Республика Башкортостан, Кугарчинский район, с.Мраково, ул.Ленина, 49

Реклама хеҙмәте

8 (34789) 2-11-85; Электронная почта: [email protected]

Хеҙмәттәшлек

8 (34789) 2-11-85; Электронная почта: [email protected]

Кадрҙар бүлеге

8 (34789) 2-11-77