+12 °С
Ямғыр
Бөтә яңылыҡтар
МӘҒАРИФ
19 Апрель 2018, 16:51
Стәрлетамаҡта кисә ғәҙәттән тыш хәл теркәлгән мәктәп ғәҙәти режимда эшләй башланы
Стәрлетамаҡта 18 апрелдә ғәҙәттән тыш хәл теркәлгән мәктәп ғәҙәти режимда эшләй башланы, тип хәбәр итте журналистарға уҡыу йортоноң вәкиле.
ӨФӨ, 2018 йыл, 19 апрель. /«Башинформ» мәғлүмәт агентлығы, Әлфиә Әғлиуллина/.
Стәрлетамаҡта 18 апрелдә ғәҙәттән тыш хәл теркәлгән мәктәп ғәҙәти режимда эшләй башланы, тип хәбәр итте журналистарға уҡыу йортоноң вәкиле.
«Бөгөн иртән мәктәптә дәрестәр башланды, белем биреү учреждениеһы штат режимында эшләй. Кәрәк булған осраҡта психологтар бригадаһы ҡыйынлыҡ кисергәндәргә ярҙам итергә әҙер», — тип һөйләне әңгәмәсе урындағы «Стерлеград» яңылыҡтар порталына.
Стәрлетамаҡтағы 1-се мәктәптең 9-сы коррекция класы уҡыусыһы уҡыусыларға һәм информатика уҡытыусыһына бысаҡ менән ташланған, һуңынан бүлмәгә ут төрткән. Һөҙөмтәлә дүрт кеше: уҡытыусы, ике уҡыусы ҡыҙ һәм енәйәтсе үҙе яраланған. Уларҙың барыһы ла уртаса ауырлыҡтағы йәрәхәттәр менән ҡала дауаханаһына оҙатылған.
Рәсәй Федерацияһының Башҡортостан буйынса Тәфтиш комитеты 17 йәшлек үҫмергә ике һәм унан да күберәк кешегә үлтереү менән янау тураһында енәйәт эше ҡуҙғатты. Бынан тыш, бәлиғ булмағандарҙың енәйәттәрен иҫкәртеү органдарындағы вазифалы кешеләр юл ҡуйған вайымһыҙлыҡ факты буйынса енәйәт эше асылды.
Әле ғәйепләнеүсегә дауаханала медицина ярҙамын күрһәтеү дауам итә. Тәфтишселәр табиптарҙың рөхсәте менән үҫмерҙән һорау ала. Һуңынан уға яза сараларын ҡулланыу тураһында һорау хәл ителергә тейеш.
Читайте нас:
© 2015-2024 Башҡортостан Республикаһы Күгәрсен районы "Мораҙым" ижтимағи-сәйәси гәзитенең рәсми сайты. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы.
Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығында теркәлде. 2015 йылдың 12 авгусында бирелгән ПИ ТУ 02-01395-се һанлы теркәү тураһындағы таныҡлыҡ. Директор (баш мөхәррир) Ладыженко А.Ғ., "Мораҙым" гәзите мөхәррире вазифаһын башҡарыусы Р.И.Исҡужина.
Илгә - именлек, йортоңа - ҡот!
Телефон
8 (34789) 2-19-24
Электрон почта
Адресы
Республика Башкортостан, Кугарчинский район, с.Мраково, ул.Ленина, 49
Реклама хеҙмәте
8 (34789) 2-11-85; Электронная почта: [email protected]
Хеҙмәттәшлек
8 (34789) 2-11-85; Электронная почта: [email protected]
Кадрҙар бүлеге
8 (34789) 2-11-77