Бөтә яңылыҡтар
ХАЛЫҠ ИҒТИБАРЫНА!
17 Ғинуар 2019, 17:18

Бушлай туҡланыуға кемдәр хоҡуҡлы

Һорау-яуапБушлай туҡланыуға кемдәр хоҡуҡлы? Бала үҫтереүсе ғаиләләрҙең көнитмешен еңеләйтеү маҡсатында республика тарафынан һәм федераль кимәлдә бик күп социаль ярҙам саралары күрһәтелә, улар янына яңылары өҫтәлеп тора. Аҙ килемле ғаиләләрҙә тәрбиә¬ләнеүсе сабыйҙарға өс йәшкә тиклем бушлай балалар туҡланыуын алыр өсөн ҡайҙа мөрәжәғәт итергә һәм ниндәй документтар тапшырырға кәрәклеге тураһында Күп функциялы үҙәк етәксеһе Рима Йәрмөхәмәтова һөйләй.

Һорау-яуап
Бушлай туҡланыуға кемдәр хоҡуҡлы?
Бала үҫтереүсе ғаиләләрҙең көнитмешен еңеләйтеү маҡсатында республика тарафынан һәм федераль кимәлдә бик күп социаль ярҙам саралары күрһәтелә, улар янына яңылары өҫтәлеп тора.
Аҙ килемле ғаиләләрҙә тәрбиә¬ләнеүсе сабыйҙарға өс йәшкә тиклем бушлай балалар туҡланыуын алыр өсөн ҡайҙа мөрәжәғәт итергә һәм ниндәй документтар тапшырырға кәрәклеге тураһында Күп функциялы үҙәк етәксеһе Рима Йәрмөхәмәтова һөйләй.
- Башҡортостан Республикаһында аҙ килемле ғаиләләрҙә тәрбиәләнеүсе сабыйҙарға 3 йәшкә тиклем бушлай балалар туҡланыуы ҡаралған. Уны алыр өсөн кәрәкле документтар теҙмәһен беҙгә – Күп функциялы үҙәккә йәки Халыҡҡа социаль ярҙам күрһәтеү республика үҙәгенең урындағы филиалдарына мөрәжәғәт итергә.
Өс йәшкә тиклем бушлай балалар туҡланыуын алырға Башҡортостан Республикаһында даими йәшәүсе, йәшәгән урыны буйынса Башҡортостан Республикаһының һаулыҡ һаҡлау учреждениеларында амбулатор иҫәптә тороусы, ҡатнаш йәки яһалма туҡланыусы, ғаиләнең уртаса килеме закон буйынса балаға тәғәйенләнгән йәшәү минимумынан түбән булған 0-дән 3 йәшкә тиклемге балалар махсус ризыҡтар алырға хоҡуҡлы.
Әгәр ғариза биреүсенең һәм хеҙмәткә яраҡлы ғаилә ағзаларының килеме булмаған осраҡта, ғариза биреүсе яҙма рәүештә уның сәбәптәрен аңлатырға һәм кәрәкле документтарҙы тапшырырға тейеш (уҡыу йортонан, халыҡты эш менән тәьмин итеү үҙәгенән справка йәки хеҙмәт кенәгәһен). Әгәр ғариза биреүсенең һәм ғаиләнең хеҙмәткә яраҡлы ағзаларының хеҙмәт кенәгәһе булмаған осраҡта, уның ни өсөн юҡ икәнен шулай яҙма рәүештә аңлатырға кәрәк буласаҡ.
Әгәр ғаиләлә 0-дән 3 йәшкә тиклемге балалар икәү йәки унан да күберәк булһа, һәр балаға справка айырым бирелә.
Хөрмәтле гәзит уҡыусылар, районда эшләп килгән ойошма, учреждение һәм предприятиеларға һорауҙарығыҙ йәки тәҡдимдәрегеҙ булһа, беҙҙең рәсми сайтҡа moradym.gazeta@yandex.ru йәки Бәйләнештәге “Мораҙым” гәзите төркөмөнә яҙып ебәрә алаһығыҙ, беҙ уларға яуап табырға тырышырбыҙ.