Үҙеңде өшкөрөү өсөн доға

Бер мәл бер сәхибә Мөхәммәт пәйғәмбәргә (с. ғ. в.) үҙ тәнендәге бер ауыртыуға зарланғас, Аллаһ рәсүле (с. ғ. в.) уға: «Ауыртҡан ереңә ҡулыңды ҡуй ҙа, өс тапҡыр «Бисми-Ллә́һ» (мәғәнәһе: «Аллаһ исеме менән») тип әйт һәм шунан һуң ете тапҡыр «Әгуүзү би-Ллә́һи вә ку́драти-һи мин шәрри мә ә́җидү вә үхә́зир» (мәғәнәһе: «Мин әле тойған һәм хәүефләнгән нәмәнең насарлығынан Аллаһҡа һәм уның ҡөҙрәтенә һыйынам») тип ҡабатла», – тип кәңәш биргән (Мөслим хәҙистәр йыйынтығынан).