Аҙнағолда - "Ҡышҡы ауылпиада"

Улар һуңғы айҙарҙа проект сиктәрендә бихисап эштәр атҡарҙы, мәҙәни һәм спорт саралары уҙғарҙы. Ҡыштың һуңғы көнөндә үткән “Ҡышҡы ауылпиада”ларына иһә ауыл активы ауылдың йәше-ҡартын ғына түгел, ситтә йәшәүсе яҡташтары менән тирә-яҡ ауыл кешеләрен дә бергә тупланы.

Хөрмәтле ҡунаҡтарҙы – БР Дәүләт Йыйылышы – Ҡоролтай депутаты Рәил Әбдрәхимовты, БСТ телеканалы генераль директоры урынбаҫары, “Юлдаш” радиоһы баш мөхәррире Тәнзилә Үлмәҫбаеваны, район Советы секретары Руслан Әхмәровты, күрше Көйөргәҙе районы вәкилдәрен һәм башҡаларҙы хужалар боронғоса егеүле аттар менән ауыл осона сығып, сәк-сәк, ҡымыҙ, йыр-моң менән ҡаршы алды.