+28 °С
Болотло
Файҙалы эштәр йылы
1 Апрель 2023, 04:00
Ялт итеп ҡалды Мораҡ!
Совет осоронан ҡалған матур ғәҙәттәрҙең береһе - күмәкләшеп экологик өмәләргә, йәғни “субботник”тарға сығыу. Быйыл ул районда 31 мартта уҡ башланды. Күп ауыл Советтары был эшкә дәррәү ҡушылды. Айырыуса Мораҡ халҡы әүҙемлек күрһәтте: кисә барлыҡ ойошма, предприятие, учреждение үҙ биләмәләрен һәм үҙҙәренә беркетелгән урамдарҙы, юл буйҙарын тәртипкә килтерҙе. Әйтергә кәрәк, күптәр был эшкә бик яуаплы ҡараны, көндөң ярайһы уҡ һалҡынса һәм ныҡ елле булыуына ҡарамаҫтан, ең һыҙғанып эшкә тотонғандо.
Ялт итеп ҡалды Мораҡ!
Эшләгәнгә эш ҡарышмай - бер нисә сәғәт эсендә район үҙәге күҙгә күренеп таҙарҙы, тәртипкә килде.
Мораҡ ауыл биләмәһе хакимиәте башлығы урынбаҫары
Бер көн, ә дөрөҫөрәк әйткәндә - 2-3 сәғәт эсендә тау-тау ҡар ырғытылды, күпме ойошма яны һеперелде. Йыйылған тонна-тонна сүр-сар тураһында әйтеп тә тораһы түгел!
Әлбиттә, киләһе аҙналарҙа ла бындай өмәләр дауам итәсәк.
Гөлназ СӘЙЕТБАТТАЛОВА.
