Яугирҙарға - сираттағы ярҙам

Махсус хәрби операцияла ҡатнашыусы яҡташтарға сираттағы гуманитар ярҙам барып етте. Был гуманитар йөк тә бөтә район халҡы ярҙамы менән йыйылды. Хужалыҡтар, предприятиелар, эшҡыуарҙар, йәмәғәт ойошмалары, хужабикәләр, мәктәп уҡыусылары - бер кем дә изге, сауаплы эштән ситтә ҡалманы. Хәрби бурысын үтәүселәргә кәрәкле бөтә нәмә: балта- көрәктәр, бензогенератор- бензобысҡылар, насос-шлангалар, маскировка селтәрҙәре, кейем, дарыу препараттары, аҙыҡ-түлек һәм башҡалар егеттәрҙең заявкалары буйынса алынды. Шулай уҡ яҡташтарыбыҙға "Нива" автомобиле алып барҙылар. Был ҙур сауаплы эшкә үҙ өлөшөн индереүселәрҙең барыһына ла ҙур рәхмәт!

Яугирҙарға - сираттағы ярҙам