Бикбулаттар ҡунаҡ ҡаршыларға әҙерләнә

Ауыл халҡы ҡар көрәү өмәһенә дәррәү сыҡты. Көн буранлап, көрт баҫҡан урындарҙы ир-уҙамандар трактор менән эттереп таҙаланы, йәштәр көрәк менән ҡоралланып, тиҙ арала тау-тау ҡар өйөмөнөң осона сыҡты. Күмәкләгән -яу ҡайтарған. Алдағы ялдарҙа бикбулаттар ауылдаштарын, яҡташтарын "Шәжәрә" байрамына көтөп ҡала. Әлеге көндә ауылда ошо сараға әҙерлек эштәре гөрләй. Клуб та, мәктәп тә, мәсет тә, китапхана ла кешеләрҙән өҙөлмәй, һәр кем үҙ иңенә оло яуаплылыҡ алып, ентекле әҙерләнә. Ир-аттар йорт-ҡураны тәртипкә килтерһә, уңған хужабикәләр аш-һыу йүнәтә. 

Бикбулаттар ҡунаҡ ҡаршыларға әҙерләнә