Үгеҙ салаты

Кәрәк:Картуф – 5 шт., 1 консерва балыҡ (сайра, сардина, горбуша), 1 кишер, 4-5 йомортҡа, 1 баш һуған, майонез, тоҙ.Биҙәү өсөн: маслиндар, йәшел үлән, ҡара икмәк, лимон йәки апельсин бер өлөшө.Әҙерләү: картуф, кишер һәм йомортҡаны алдан бешереп алабыҙ.Консервалағы балыҡты майы менән бергә иҙергә, һуғанды ныҡ әсе булмаһын өсөн ҡайнар һыуға бер аҙ ваҡытҡа һалып торорға.Шулай итеп, салаты йыя башлайбыҙ.Тәүге ҡатыны – картуф, әҙерәк майонез һылайбыҙ.Икенсе ҡатына – балыҡ;Өсөнсө ҡат – һуған;Дүртенсеһе – йомортҡаның ағы, әммә бер йомортҡаның ағын ҡалдырабыҙ, һәр ҡатҡа майонез һылайбыҙ.Бишенсе ҡат – кишер. Шунан тәҡдим ителгн һүрәткә ҡарап, үгеҙҙең томшоғон йомортҡаның ағы, күҙҙәрен һәм танауҙарын маслин менән эшләйбеҙ. Беҙҙең үгеҙҙең ҡолаҡтары ҡара икмәктән була.Ашығыҙ тәмле, байрамығыҙ йәмле булһын!