Кекс

Бының өсөн 2 йомортҡа, 2,5 стакан он, 1 стакан кефир, 1/4 стакан шәкәр, ½ сәй ҡалағы күперткес сода кәрәк буласаҡ. Тәүҙә йомортҡаның ағын һарыһынан айырырға. Кефирҙы һарыһы һәм шәкәр менән туғырға, йомортҡа ағын күпертергә. Бөтәһен бергә ҡушып туғырға, он һәм сода өҫтәргә. Сәтләүек онтаҡтары, йөҙөм, мәк ҡушырға була. Ҡамырҙы майланған формаларға тултырырға. Духовкала йә мейестә 200 градус эҫелектә 35–45 минут бешерергә. Шәкәр онтағы һибеп биҙәргә мөмкин. Мультиваркала ла бешерергә була.