Балан емешен боронғолар юҡҡа һайламаған

Баланды ҡатын-ҡыҙҙар элек-электән косметик сара булараҡ ҡулланған. Балан емешен улар юҡҡа ғына һайламаған, сөнки ул борондан һаулыҡ емеше булараҡ дан алған. Балан төнәтмәһен, сәйҙәрен иммунитетты күтәреү, йүтәлдән ҡотолоу өсөн ҡулланһалар, был емештән эшләнгән маскалар тиренең төрлө проблемаларынан ҡотолорға мөмкинлек бирә икән. Көҙ, бер аҙ туңдырып алғандан һуң йыйылған балан емештәрендә файҙалы витаминдар күп була: фосфор, магний, йод, тимер, органик кислоталар, эфир майҙары. Балан бит тиреһен йомшарта, пигмент таптарҙы бөтөрә, уны тынысландыра, сафландыра.