Миләш

Витаминдар хазинаһы миләште, бик әсе булғанға, ҡайһы берәүҙәр яратып еткермәй. Уның витаминдар хазинаһы икәнлеген онотоп ебәрәләр, күрәһең. Миләш каротиндарға һәм антициан ҡушылмаларға, А һәм С витаминдарына, пектинға һ.б. бай. Еләгендәге витаминдар, органик кислоталар, микроэлементтар тиҫтә ярымдан артып китә. Ҡан системаһы боҙолғанда, таштар булғанда, ашҡаҙан-эсәк ауырыуҙары менән яфаланғанда бик файҙалы, бигерәк тә балаларға һәм өлкән йәштәгеләргә шифалы.