Борщ

Кәбеҫтә – 2 кг,Сөгөлдөр – 1,5 кг,кишер – 1 кг,помидор – 1 кг,һуған – 0,6 кг,көнбағыш майы - 0,5 л,уксус – 100 мл,шәкәр – 3 аш ҡалағы,тоҙ – 2 аш ҡалағы,борос (горошек), әнис йәки петрушка кеүек йәшел тәмләткестәр кәрәк буласаҡ.Сөгөлдөр менән кишерҙе терка аша үткәрергә, кәбеҫтә, помидор, һуған һәм тәмләткестәрҙе турарға. Бөтә йәшелсәләрҙе кәстрүлгә һалып, тоҙ, шәкәр, май өҫтәп, талғын утта 30 минут тирәһе бешерергә. Алдан әҙерләп ҡуйылған стерилләнгән банкаларға һалып, йылы “тун” аҫтына ҡуйырға.