-5 °С
Ҡар
Бөтә яңылыҡтар
ФАЙҘАЛЫ КӘҢӘШТӘР
5 Сентябрь 2018, 17:06
Ер еләге бәлешендә минең бала саҡ тәме...
Еләк бешеү менән ҡәрсәйем иртән иртүк урманға сығып китер ҙә, беҙ тороуға бер бәләкәй күнәк менән ер еләге йыйып алып ҡайтыр ине. Ә төшкө ашҡа өй эсе тәмле бәлеш еҫенә тула. Бөтә ғаилә менән ҡаймаҡлап тороп бәлеш менән сәй эсергә йыйылабыҙ. Аҙнаһына 3-4 рәт шулай еләк йыйып бәлеш бешерә торғайны. "Туйғансы ашағыҙ", тиер ине һөйөклөбөҙ. Бына кисә лә тап ҡәрсәйемдеке кеүек итеп бәлеш һалып алырға булдым. Килеп сыҡты, шикелле. Әсәйем ебәргән ауыл ҡаймағын ҡушып, тәмләп, рәхәтләнеп сәй эсеп алдыҡ.
Еләк бешеү менән ҡәрсәйем иртән иртүк урманға сығып китер ҙә, беҙ тороуға бер бәләкәй күнәк менән ер еләге йыйып алып ҡайтыр ине. Ә төшкө ашҡа өй эсе тәмле бәлеш еҫенә тула. Бөтә ғаилә менән ҡаймаҡлап тороп бәлеш менән сәй эсергә йыйылабыҙ. Аҙнаһына 3-4 рәт шулай еләк йыйып бәлеш бешерә торғайны.
"Туйғансы ашағыҙ", тиер ине һөйөклөбөҙ.
Бына кисә лә тап ҡәрсәйемдеке кеүек итеп бәлеш һалып алырға булдым. Килеп сыҡты, шикелле. Әсәйем ебәргән ауыл ҡаймағын ҡушып, тәмләп, рәхәтләнеп сәй эсеп алдыҡ.
Тәмле рецепты һеҙгә лә тәҡдим итәм.
Ҡамыр өсөн:
2 йомортҡа, 1 балғалаҡ тоҙ,1 балғалаҡ аш содаһы, 1 ҡалаҡ шәкәр ҡомо, ярты стакан көнбағыш майы, 100 грамдай иретелгән май, 2-3 ҡалаҡ ҡаймаҡ, шул сама майонез, бер стакан йә стакан ярым (он күләменә ҡарап) йылы һөт, 1 стакан һыу, он.
Эслек өсөн ер еләген таҙартып ҡаймаҡ, шәкәр ҡушып, артыҡ иҙмәй генә болғатабыҙ.
Юғарыла һанап үтелгәндәрҙең барыһын бергә ҡушып, йомшаҡ ҡына итеп ҡамыр баҫаһың да (ҡулға йәбешергә тейеш түгел), бер аҙға һыуытҡысҡа алып ҡуяһың.
Ул арала табаларҙы әҙерәк йылытып, майлап әҙерләй торһаҡ та була. Табаға ҡамырҙы йәйеп, эсенә еләк һалып, өҫтөн ҡаплап, ситтәрен матур итеп семәрләп бөгөргә лә, уртаһын тишеп, эҫе мейескә ҡуйырға. Бәлеш тиҙ бешә, ярты сәғәт- ҡырҡ минут тирәһе ваҡыт үтеп, өҫтө ҡыҙарғас, мейестәр алырға ла була. Ныҡ эҫе килеш ҡырҡырға ярамай, еләк һуты ағып бөтә. Шуға ла әҙерәк һыуынғанын көтөп, үткер бысаҡ менән генә матурлап киҫеп,ҡаймаҡ менән мәтрүшкәле сәй янына бирергә мөмкин.
Бәлеш тиҙ һәм еңел әҙерләнә,иң мөһиме - тәмле!
Сәйҙәрегеҙ тәмле булһын!
Гөлсәсәк ПСӘНЧИНА.
Читайте нас:
© 2015-2024 Башҡортостан Республикаһы Күгәрсен районы "Мораҙым" ижтимағи-сәйәси гәзитенең рәсми сайты. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы.
Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығында теркәлде. 2015 йылдың 12 авгусында бирелгән ПИ ТУ 02-01395-се һанлы теркәү тураһындағы таныҡлыҡ. Директор (баш мөхәррир) Ладыженко А.Ғ., "Мораҙым" гәзите мөхәррире вазифаһын башҡарыусы Р.И.Исҡужина.
Илгә - именлек, йортоңа - ҡот!
Телефон
8 (34789) 2-19-24
Электрон почта
Адресы
Республика Башкортостан, Кугарчинский район, с.Мраково, ул.Ленина, 49
Реклама хеҙмәте
8 (34789) 2-11-85; Электронная почта: [email protected]
Хеҙмәттәшлек
8 (34789) 2-11-85; Электронная почта: [email protected]
Кадрҙар бүлеге
8 (34789) 2-11-77