Илебеҙ тыныслығы өсөн тауыш бирәбеҙ!

 Нәҡиә менән Ғайфулла Ниғмәтуллиндар өс балаға ғүмер бүләк итеп, ғорурланырҙай ул-ҡыҙҙар үҫтергән. Улдары баш ҡаланы төйәк иткән, икеһе лә һөнәрле, матур ғаиләле. Ҡыҙҙары – Гүзәл “Уралҡай” балалар баҡсаһының намыҫлы эшсәне икән. Хөрмәтле ветеран 41 йыл ғүмерен мәғариф өлкәһенә бағышлаған. 16 йыл Яңы Хвалын мәктәбе директоры, аҙаҡ уҡытыу эштәре буйынса директор урынбаҫары вазифаларын ҙур намыҫ менән башҡарған.

 Өлкәндәр тынғыһыҙ йәнле шул. Күптәре килеп тауыш биреп өлгөрҙө инде, ҡалғандарына хәҙер төштән һуң өйҙәренә барабыҙ, - тип белдерҙе был ауылда урынлашҡан һайлау участкаһы рәйесе Рәсимә Зәитова.