Аҡ халатлыларға - аҡ теләктәр

 Һаулыҡ – төп байлыҡ! Дауаханаға дүрт күҙ төбәп барған кеше тап шул байлығын, күпселек осраҡта үҙенең ғүмерен, аҡ халатлылар ҡулына ышанып тапшыра. Йыш ҡына табиптарҙың, шәфҡәт туташтарының бер яҡшы кәңәше лә, бер йылы һүҙе лә сырхауҙарҙың йәненә шифа яғырға, күңеленә өмөт осҡонон һалырға мөмкин.  Тап бөгөн район мәҙәниәт һарайында Медицина хеҙмәткәрҙәре көнө айҡанлы уҙған матур байрамда ла шундайыраҡ фекерҙәр йыш яңғыраны, аҡ халатлыларға дан йырланды. Район етәксеһе Азамат Сәйфуллин да тантана сәбәпселәрен ихлас тәбрикләп, уларға аҡ теләктәрен еткерҙе, алдынғы, намыҫлы эшсәндәрҙе билдәләп үтте.

Аҡ халатлыларға - аҡ теләктәр