16 мәктәп һәм 900 класс – карантинда

Республиканың мәғариф һәм фән министры Айбулат Хажин әйтеүенсә, белем биреү учреждениеларында 258 уҡыусы һәм 665 уҡытыусы COVID-19 менән ауырый. Уларҙың барыһы ла дауалана.

31 декабрҙән 16 ғинуарға тиклем дауам иткән ҡышҡы каникул ауырыу күрһәткестәрен кәметергә мөмкинлек бирергә тейеш, тип белдерҙеләр Мәғариф министрлығында һәм Роспотребнадзор идаралығында.

Хәтерегеҙгә төшөрәбеҙ, балалар баҡсаларында, мәктәптәрҙә шыршы байрамдары айырым төркөмдәр өсөн генә ойошторола. Ата-әсәләргә QR-код, сирҙе үткәреү тураһында белешмә менән инергә рөхсәт ителә.