Башҡортостанда 30 октябрҙән 7 ноябргә тиклем медицина учреждениеларының эш графигын хәбәр иттеләр. Республиканың һаулыҡ һаҡлау министрлығында белдереүҙәренсә, пациенттарҙы планға ярашлы дауаханаға һалыу график буйынса ойошторола. Ошо осорҙа республикала йәшәүселәр иртәнге сәғәт 8-ҙән киске 8-гә тиклем (тәнәфесһеҙ һәм ял көндәрһеҙ) яңы коронавирус инфекцияһынан прививка яһатырға мөмкин.
Медицина ойошмаларында (шул иҫәптән Башҡортостандың Һаулыҡ һаҡлау министрлығында) түбәндәге эш графигы билдәләнә:
- 30, 31 октябрь – эшләмәгән көндәр;
- 1, 2 ноябрь – эш көнө графигы буйынса;
- 3 ноябрь – эш көнө бер сәғәткә ҡыҫҡара;
- 4 ноябрь – эшләмәгән байрам көнө;
- 5, 6, 7 ноябрь – эшләмәгән көндәр.
Тәүге табип-санитар ярҙамын түбәндәге режимда алырға мөмкин:
- 30 октябрь – шәмбе графигы буйынса – иртәнге 8-ҙән киске 5-кә тиклем, шылтыратыуҙар сәғәт 1-гә хәтлем ҡабул ителә;
- 31 октябрь – ашығыс медицина ярҙамы кабинеты эшләй, иртәнге 8-ҙән сәғәт 4-кәсә шылтыратып саҡыртырға мөмкин;
- 4 ноябрь – байрам көнө – иртәнге 8-ҙән киске 5-кәсә, шылтыратыуҙар 4-кә тиклем ҡабул ителә;
- 5 ноябрь – эш көнө графигы буйынса (махсуслашҡан учреждениеларҙан тыш);
- 6 ноябрь – иртәнге 8-ҙән киске 5-кәсә, сәғәт 4-кә хәтлем шылтыратып саҡыртырға була;
- 7 ноябрь – ашығыс медицина ярҙамы кабинеты эшләй, шылтыратыуҙар иртәнге 8-ҙән сәғәт 4-кәсә ҡабул ителә.