Вирустан һаҡланыуҙың иң эффектив ысулы - вакцина

Мәҡсүт ауыл-табип амбулаторияһы шәфҡәт туташы Фиәгөл Низамованың коронавирустан прививкаға ҡарата ҡарашы ыңғай.- Прививканы февралдә, тәүге партия килгәндә үк, үҙебеҙҙең зонала иң беренселәрҙән булып эшләттем. Ул көндө беҙ 20-ләгән кешегә вакцина яһаныҡ, бөтәһе лә үҙҙәре һорап, үҙҙәренең теләге менән килде. Әлеге көндә Мәҡсүт ауылы буйынса ғына 150-ләп кешегә прививка яһалды. Вирустан һаҡланыуҙың иң эффектив ысулы – ул вакцина тип, туғандарыма, таныштарыма, дуҫтарыма ла кәңәш иттем, - ти Фиәгөл Фәрит ҡыҙы.