Аҡ теләктәр һеҙгә, хөрмәтле аҡ халатлылар!

Район мәҙәниәт һарайында медицина хеҙмәткәрҙәренең һөнәри байрамдары уңайынан тантаналы сара үтте. Аҡ теләктәр, оло ихтирам менән һуғарылған йылы ҡотлау һүҙҙәре.... – бөтәһе лә бөгөн һәр саҡ халыҡҡа ярҙамға әҙер торған аҡ халатлылар адресына яңғыраны. Һаулыҡ һағында тороусыларҙы район хакимиәте башлығы Ғайса Янбаев, РФ Дәүләт Думаһы депутаты Зариф Байғускаров ихлас ҡотлап, уларға матур теләктәрен еткерҙе.