+12 °С
Ямғыр
Бөтә яңылыҡтар
ҺАУЛЫҠ ҺАҠЛАУ
3 Март 2019, 18:04
Республикала балалар онкологияһы үҙәге барлыҡҡа килә
Башҡортостанда балалар клиник дауаханаһында республика балалар онкологияһы һәм гематологияһы үҙәген төҙөү күҙаллана. Ошо хаҡта Һаулыҡ һаҡлау министрлығының киңәйтелгән ултырышында министр вазифаһын башҡарыусы Максим Забелин белдерҙе.
ӨФӨ, 2019 йыл, 1 март. /«Башинформ» мәғлүмәт агентлығы, Гөлфиә Акулова/.
Башҡортостанда балалар клиник дауаханаһында республика балалар онкологияһы һәм гематологияһы үҙәген төҙөү күҙаллана. Ошо хаҡта Һаулыҡ һаҡлау министрлығының киңәйтелгән ултырышында министр вазифаһын башҡарыусы Максим Забелин белдерҙе.
Шулай уҡ онкология сирҙәрен иртә асыҡлау өсөн алдағы өс йылда күп профилле дауаханаларҙа 13 амбулатор онкология ярҙамы үҙәген асырға тейештәр: дүртәүһе — Өфөлә, туғыҙы — республика ҡалаларында.
Республикала онкология ауырыуҙарынан үлем күрһәткесе уҙған йыл менән сағыштырғанда 0,6% артҡан. 2018 йылда яман шешле 3154 сирле асыҡланған — бынан элекке йылға ҡарағанда 769-ға күберәк.
500-ҙән ашыу шеш алды сирҙәре һәм аналыҡ муйынтығы яман шешенең 80 осрағы теркәлгән, шуларҙың 77% — ауырыуҙың иртә стадияһында. 200-ҙән ашыу яман шеш һәм 1300 рак алды сирҙәре асыҡланған.
6,6 меңдән ашыу осраҡта онкология ауырыуҙары иртә стадияла табылған.
«Яман шештәрҙе иртә диагностикалауҙы арттырыу маҡсатында сирҙе башланғыс стадияһында тапҡан өсөн беренсел звено белгестәрен дәртләндереү системаһын индереү күҙаллана, — тине Максим Забелин. — Был медицина хеҙмәткәрҙәрен хәүеф төркөмөнә ҡараған пациенттар менән эшләүгә күберәк иғтибар биреүгә дәртләндерергә, диспансерлаштырыуҙың һәм скрининг тикшереүҙәренең сифатын күтәрергә тейеш».
Читайте нас:
© 2015-2024 Башҡортостан Республикаһы Күгәрсен районы "Мораҙым" ижтимағи-сәйәси гәзитенең рәсми сайты. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы.
Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығында теркәлде. 2015 йылдың 12 авгусында бирелгән ПИ ТУ 02-01395-се һанлы теркәү тураһындағы таныҡлыҡ. Директор (баш мөхәррир) Ладыженко А.Ғ., "Мораҙым" гәзите мөхәррире вазифаһын башҡарыусы Р.И.Исҡужина.
Илгә - именлек, йортоңа - ҡот!
Телефон
8 (34789) 2-19-24
Электрон почта
Адресы
Республика Башкортостан, Кугарчинский район, с.Мраково, ул.Ленина, 49
Реклама хеҙмәте
8 (34789) 2-11-85; Электронная почта: [email protected]
Хеҙмәттәшлек
8 (34789) 2-11-85; Электронная почта: [email protected]
Кадрҙар бүлеге
8 (34789) 2-11-77