Мораҙым
+21 °С
Болотло
Бөтә яңылыҡтар
ҺАУЛЫҠ ҺАҠЛАУ
18 Ғинуар 2019, 14:44

Күгәрсендең һаулыҡ һаҡсыһы

Күгәрсендең һаулыҡ һағында торған шәфҡәт туташы Марина Ҡорбанаева бында һигеҙ йыл самаһы ғына эшләй. Салауат медицина колледжын тамамлаған белгес күп тә уйлап тормай ошонда эшкә килә. Үҙе ул күрше Сирбай ауылынан.

Күгәрсендең һаулыҡ һағында торған шәфҡәт туташы Марина Ҡорбанаева бында һигеҙ йыл самаһы ғына эшләй. Салауат медицина колледжын тамамлаған белгес күп тә уйлап тормай ошонда эшкә килә. Үҙе ул күрше Сирбай ауылынан.
- Беҙгә фельдшер кәрәк инде. Быға тиклем икәү инек, март айында ул эштән киткәс, бер үҙем ҡалдым. Медколледжда уҡып йөрөгән студенттар менән дә һөйләшеп торам, бәлки, берәйһе ҡайтырға риза булыр тип. Тик ауыл еренә бик ҡайтҡылары килмәй йәштәрҙең.
Ауылда халыҡ та әҙәйҙе ул. Ҡыҙыл ярҙа, мәҫәлән, утыҙлап ҡына кеше ҡалды. Беҙҙә ике генә ауырлы ҡатын иҫәптә тора, бер йәшкә тиклемге балалар өсәү генә. Балалар баҡсаһына тотош биләмә буйынса ҡырҡлап бала йөрөй йөрөүен, мәктәптә лә 118 бала белем ала, - ти Марина Анатольевна эше тураһында бәйән итеп.
Фельдшер-акушерлыҡ урынлашҡан бүлмәләр былай таҙа ла, яҡты ла ине. Мебель-йыһаздар ғына етмешенсе йылдарҙан (элек фельдшер булып эшләгән Рәфҡәт ағай Ғүмәров заманынан) яңыртылмаған. Бүлмә һалҡыныраҡ булһа ла, нисектер, ҡот уйнап торғандай унда.
Читайте нас: