Бөтә яңылыҡтар
Победа. Акции
11 Май , 10:15

Герой тураһында документаль фильм төшөрөлгән

10 майҙа яҡташыбыҙ, РФ Дәүләт Думаһы депутаты Зариф Байғусҡаров районға эш сәфәре менән килде.  Билдәле булыуынса, уҙған йылда Бөйөк Ватан һуғышының ҡаһарман һалдаты, Үрге Һаҙ ауылының данлы улы, 228-се штурмлау авиация дивизияһының 694-се штурмлау авиация полкының “ИЛ-2” самолеты осоусыһы – 1942 йылдың 22 октябрендә һәләк булған сержант Хисмәтуллин Хәйбулла Хәлил улының  һөйәктәре тыуған еренә алып ҡайтып ерләнгәйне. “Тамыр” телестудияһы уның хаҡында документаль фильм төшөргән. Мораҡ кинозалында "Дорога домой" тип аталған ошо фильмдың презентацияһы уҙҙы.  күрһәтелде. Әйткәндәй, был фильм Башҡортостан Юлдаш Телеканалында ла күрһәтелде.

Герой тураһында документаль фильм төшөрөлгән
Герой тураһында документаль фильм төшөрөлгән

Унда Зариф Закир улынан, район етәкселегәнән тыш, геройҙың туғаны - Фаршат Аҡбирҙин да ҡатнашты.

 Ошо уҡ көндө Зариф Закир улы ирекмәндәр һәм йәш армиясылар менән берлектә Бөйөк Ватан һуғышы ветерандарының ҡәберҙәрен тәртипкә килтерҙе.

Иҫкәрмә: 19 йәшендә генә геройҙарса һәләк булған Хәйбулла Хисмәтуллин 78 йылдан һуң, үҙенең исемен данға күмеп, тыуған еренә мәңгелеккә әйләнеп ҡайтты. Уны алып ҡайтыу өсөн яуаплылыҡты һәм ҡайтанан ерләү сығымдарын яугирҙың һеңлеһенең улы Аҡбирҙин Фаршат Әнүәр улы үҙ өҫтөнә алды. Хәйбулла Хәлил улы Мәҡсүт ауылы зыяратында – халҡыбыҙҙың данлы ҡыҙы Бәндәбикәнең мавзолейы, тарихи - мәҙәни архитектура  ҡомартҡыһы ҡаршыһында һуңғы төйәген таба.   

 

Автор:Гульназ Саитбатталова
Читайте нас в