Сентябрь башында Өфө ҡалаһының Рима Баталова исемендәге Спортҡа әҙерләү үҙәгендә 2006-2012 йылғы малай-ҡыҙҙар араһында еңел атлетика күпбәйгеһе буйынса Башҡортостан Республикаһы шәхси берееслеге үтте.
Ярыштарҙа Өфө, Бөрө, Салауат, Сибай, Стәрлетамаҡ ҡалаларынан, Дыуан, Күгәрсен һәм Өфө райондарынан 400-ҙән ашыу йәш спортсылар ҡатнашты.
Ярыш программаһына 60 метрға йүгереү, 150 грамлыҡ тупты бәреү, оҙонлоҡҡа һикереү, 500, 600, 800, 1000 метрға кросс инде.
Был сарала беҙҙең районды Балалар-үҫмерҙәр спорт мәктәбе тәрбиәләнеүселәре - Фирғәт Килдебаев етәкселегендә Айлина Мәсәғүтова, Илья һәм Никита Крапивиндар, Марсель Теүәлбаев, Ангелина Фатун, Богдан Фатун Богдан лайыҡлы күрһәттте.
2006-2007 йылғы 52 спортсмен араһында Никита Крапивин 3-сө урынды яуланы. 2008-2009 йылғы 44 ҡатнашыусы араһында Богдан Фатун 3-сө баҫҡысҡа күтәрелде. Йәш спортсыларыбыҙҙы еңеүҙәре менән ҡотлайбыҙ һәм артабан да яңынан-яңы бейеклектәр яуларға насип булыуын теләйбеҙ!