Мораҙым
-2 °С
Болотло
Бөтә яңылыҡтар
ФАЙҘАЛЫ КӘҢӘШТӘР
26 Сентябрь 2021, 17:38

Өс аҙыҡтан бер ваҡытта ла баш тартма

Ябығырға теләп йә булмаһа дөйөм сәләмәтлеген нығытыу өсөн төрлө диетала ултырыусылар һаны артҡандан-арта. Бына шундайҙарға (диета тотмағандарға ла), табиптар фекеренсә, туҡланыу рационынан түбәндәге өс аҙыҡты алып ташларға ярамай.

Өс аҙыҡтан бер ваҡытта ла баш тартма
Өс аҙыҡтан бер ваҡытта ла баш тартма
Беренсеһе – шоколад. Тик уның сифатлыһын, бер ниндәй химияһыҙ һәм шәкәрһеҙен һайлап алырға кәрәк. Унда шәкәр урынына әҙерәк тәм биреүсе матдәләр генә ҡушыла. Әлбиттә, күп ашарға ярамай – ике-өс киҫәк.

Икенсе мөһим аҙыҡ – сәтләүек. Диета тотоусылар унан майлы, калорияһы күп тип баш тарта. Был ысынлап шулай, тик уны ла күп ашарға тимәгән – 20-30 грамдан артмаҫҡа тейеш. Сәтләүек ашағанда организмда серотонин – бәхет гормоны бүленеп сыға. Ул кәйефте күтәреп кенә ҡалмай, асығыу тойғоһон баҫа, аппетитты кәметә.

Өсөнсөһө – картуф. Һүҙ ҙә юҡ, унда углевод күп, һәр хәлдә макарондыҡынан, һоро дөгөнөкөнән әҙерәк. Әлбиттә, һүҙ ҡыҙҙырылған йә иҙелгән бәрәңге тураһында бармай, ә мундирлап мейестә бешерелгәне тураһында. Ул үҙе үк – диетик аҙыҡ.
Организм өсөн мөһим булған ошо аҙыҡтарҙы рационға индерһәгеҙ, тамаҡ та туҡ, күңел дә көр булыр, кәүҙәгеҙгә лә зыяны теймәҫ.
 
Автор:
Читайте нас: